Замонавий дунёда социология ва амалий психология муаммолари муҳокама қилинди (+видео)
Бугунги кунда инсон капиталини ривожлантириш, жамиятда ижтимоий адолат ва барқарорликни таъминлаш, шунингдек, илм-фан ва таълим интеграциясини кучайтириш долзарб вазифалардан бири сифатида намоён бўлмоқда.
Шу нуқтаи назардан, социология ва амалий психология соҳаларида илмий изланишларни чуқурлаштириш, замонавий ижтимоий жараёнларни комплекс таҳлил қилиш ҳамда амалий ечимлар ишлаб чиқиш бугунги куннинг муҳим талабига айланмоқда.
Алишер Навоий номидаги Тошкент давлат ўзбек тили ва адабиёти университетида ўтказилган “Замонавий дунёда социология ва амалий психология муаммолари” мавзусидаги халқаро илмий-амалий конференцияси халқаро ҳамкорлик асосида ўтказилиб, унда Қозоғистоннинг Академик Э.А. Букетов номидаги Қарағанда университети, Санкт-Петербург давлат технология институти (Россия); Туркиянинг Карабук университети; Қозоғистон Шакарим номидаги Семей университети; Шри Ланка жануби-шарқий университети; Ўзбекистон Республикаси Фанлар академияси; Ўзбекистоннинг энг янги тарихи масалалари бўйича мувофиқлаштирувчи-методик маркази ва бошқа халқаро ҳамда миллий илмий тадқиқот марказлари иштирокида ташкиллаштирилди.
Ушбу илмий анжуманнинг асосий мақсади ёш олимлар, докторантлар, профессор-ўқитувчилар ва талабалар илмий ижодини қўллаб-қувватлаш, халқаро илмий ҳамкорликни кенгайтириш, хорижий олимлар билан илмий мулоқот платформасини яратиш, замонавий илмий тадқиқотларни рағбатлантиришдан иборатдир. Зеро, ушбу йўналишлар жамиятнинг ижтимоий тузилиши, институтлари, турмуш тарзи ва меҳнат миграцияси каби муҳим омилларни илмий ўрганишга хизмат қилади.
<iframe width="815" height="458" src="https://www.youtube.com/embed/c-7jkFJmEJ4" title="Zamonaviy dunyoda sosiologiya va amaliy psixologiya muammolari muhokama qilindi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳайё Турдалиева, Улуғбек Тўхтаев (видео), ЎзА
