Voleybol bo‘yicha O‘zbekiston U14 terma jamoasi joriy yilning aprel oyida Novosibirskda o‘tadigan “Do‘stlik kubogi”ga tayyorgarlik ko‘rmoqda.

O‘smirlar terma jamoamiz ayni kunlarda ushbu nufuzli turnirda vatanimiz sharafini munosib himoya qilish uchun Jizzax shahrida o‘quv-mashg‘ulot yig‘inini o‘tkazmoqda.

Mashg‘ulot jarayonida texnik-taktik harakat, to‘pni qabul qilish, zarba yo‘llash texnikasini takomillashtirish, jismoniy va ruhiy holat bo‘yicha mashg‘ulotlar o‘tkazilmoqda.

Kuni kecha poytaxtimizdagi “Jar” sport sog‘lomlashtirish majmuasining voleybol maydonida O‘zbekiston U18 terma jamoasi shu kunlarda yurtimizda mashg‘ulot o‘tayotgan Rossiya U18 terma jamoasi bilan o‘rtoqlik uchrashuvida maydonga tushdi.

Qiziqarli kechgan bahsda mehmonlar 2:3 hisobida O‘zbekiston terma jamoasidan ustun keldi.

T.Ro‘ziyev,

O‘zA