Navoiy shahridagi Yoshlar markazida “Besh tashabbus olimpiadasi” doirasida “Yosh kitobxon” tanlovining viloyat bosqichi bo‘lib o‘tdi.

10-14, 15-19 va 20-30 yosh toifasida o‘tkazilgan tanlovda ishtirokchilar “Badiiy asarlar bilimdoni” va “Tezkor savol-javob” shartlarida o‘z bilimlarini sinovdan o‘tkazdi.  

Yosh kitobxonlar “Badiiy asarlar bilimdoni” shartida o‘zbek  va jahon adabiyotiga oid kitoblarning mazmun-mohiyati, g‘oyasi va ahamiyatini sharhlab bergan bo‘lsa, “Tezkor savol-javob” shartida Ekspertlar komissiyasi tomonidan tavsiya etilgan adabiyotlardan tuzilgan 5 ta savolga javob berdi.  

Yakuniy natijalarga ko‘ra, 10-14 yosh toifasida 1-o‘ringa qiziltepalik Ozodbek Sattorov, 15-19 yosh toifasida E’zoza Fayzullayeva va 20-30 yosh toifasida esa xatirchilik Mahliyo Rizayeva munosib deb topilib, tanlovning respublika bosqichiga yo‘llanmani qo‘lga kiritdi.  

Barcha g‘olib va sovrindorlar Yoshlar ishlari agentligi viloyat boshqarmasi tomonidan  taqdirlandi. 

A.Bo‘riyev, O‘zA muxbiri