Янги солиқ имкониятлари тадбиркорларга қанот
ФОТОРЕПОРТАЖ
Самарқанд вилояти солиқ бошқармасида Солиқ қўмитаси мутасаддилари, тадбиркорлар, бизнес вакиллари иштирокида очиқ мулоқот ташкил этилди.
Тадбирда Ўзбекистон Республикаси Президентининг 2026 йил 26 майдаги “Кичик бизнес субъектларининг ўсиши учун янада қулай иқтисодий ва маъмурий шарт-шароитлар яратиш тўғрисида”ги Фармонида белгиланган янги имкониятлар ва енгилликлар юзасидан батафсил маълумотлар берилди.
Хусусан, 2026 йил 1 июндан бошлаб умумбелгиланган солиқ солиш тартибига ўтиш учун белгиланган чегаравий миқдорнинг қарийб 5 млрд сўмгача оширилгани тадбиркорлик субъектларининг фаолиятини кенгайтириш ва бизнес ўсишини қўллаб-қувватлашга хизмат қилиши қайд этилди. Умумий овқатланиш, савдо ва хизмат кўрсатиш соҳалари учун қўшилган қиймат солиғининг соддалаштирилган тартиби жорий этилгани ушбу йўналишларда фаолият юритаётган тадбиркорлар учун муҳим қулайлик яратиши таъкидланди.
[gallery-29912]
Шунингдек, қўшилган қиймат солиғи маъмурчилигини такомиллаштириш, солиқ ҳисоботларини юритиш жараёнларини соддалаштириш, кичик бизнес субъектлари учун маъмурий юкни камайтириш ҳамда тадбиркорлик фаолиятини қўллаб-қувватлашга қаратилган янгиликлар ҳақида ҳам атрофлича тушунтиришлар берилди.
Очиқ мулоқот давомида тадбиркорлар ўзларини қизиқтирган масалалар, амалиётда учраётган муаммолар ва янги тартибларни қўллаш механизмлари юзасидан Солиқ қўмитаси мутахассисларидан батафсил жавоб олди.
ЎзА фотомухбири
Алишер ИСРОИЛОВ олган суратлар.
