Bugun Jahon iqtisodiyoti va diplomatiya universiteti abituriyentlar va ularning ota-onalarini qarshi oldi. “Ochiq eshiklar kuni” ushbu bilim dargohi bilan yaqindan tanishish, ta’lim dasturlari, qabul sharti haqida ma’lumot olish, qolaversa talabalar hayotini bevosita his qilish uchun ajoyib imkoniyat bo‘ldi.

Yoshlar masalasi va ma’naviy-ma’rifiy ishlar bo‘yicha birinchi prorektor O.Yusufjonov mamlakatning yetakchi oliy o‘quv yurtlaridan biri sifatida JIDU tashqi siyosat, huquq, iqtisodiyot kabi muhim sohalar uchun yuqori malakali kadrlar tayyorlab berishini ta’kidladi.

Tadbir davomida mehmonlar universitet hududi bo‘ylab sayohat qilishdi. Bino va xonalarni ko‘zdan kechirishdi, kutubxona va sport majmuasiga tashrif buyurishdi.

Musulmon Ziyo,

Doniyor Yoqubov (video),

O‘zA