2020 yilning 11 fevralidan 12 fevraliga o‘tar kechasi Shanxay shahrida ijaraga olingan gibrid avtomobil o‘z-o‘zidan yonib ketgan. Natijada, atrofdagi binolar va transport vositalari bundan zarar ko‘rgan, deb yozadi Xitoyning Mydrivers veb-sayti.

Ayni paytda yonib ketgan mashina shatakka olib, tortib olindi, yong‘in sabablari aniqlashtirilmoqda.  Rasmiy ma’lumotlarga ko‘ra, 2020 yilda Xitoy bozorida  yangi energiya manbalari asosida harakatlanadigan  yengil avtomobillarning o‘z-o‘zidan yonishi bilan bog‘liq 27 ta holat  ro‘yxatga olingan.  

Ekspertlarning  qayd etishicha, bunday avtomobillarga ulardan foydalanish  masalasi bo‘yicha ko‘proq e’tibor qaratish kerak.  Avtomobil ishlab chiqaruvchilar elektromobillarni bozorga chiqarishdan oldin ularni ko‘proq sinovdan o‘tkazishi, jumladan tez, sekin va  past haroratli zaryadlash hamda past haroratda ulardan foydalanish bo‘yicha puxta tekshiruv o‘tkazishlari lozim.  Akkumulyator kompaniyalari yig‘ish jarayonini  qat’iy nazorat qilishlari va sifatli akkumulyatorlar ishlab chiqarishlari kerak.  

O‘tgan yili  Xitoy  Sanoat va axborot  texnologiyalari bozori elektromobillar uchun uchta  majburiy  milliy  standartni e’lon qildi: “Elektromobillar uchun xavfsizlik talablari”, “Elektr avtobuslar uchun  xavfsizlik talablari” va “Elektromobillarning akkumulyator batareyalari uchun  xavfsizlik talablari”.  

Yaqinda akkumulyator batareyasi shikastlangandan keyin 5 daqiqa ichida   yong‘in chiqmasligi   yoki portlamasligini kafolatlaydigan sinov o‘tkazildi. Bu  yo‘lovchilarni xavfsiz evakuatsiya qilish imkonini beradi.  

O‘zbekistonda ham muqobil energiya manbalari asosida  ishlaydigan  transportdan foydalanish bo‘yicha  infratuzilma yaratish ishlari amalaga oshirilmoqda. Hozircha alohida qoidalar va normativlarni joriy etish uchun mamlakatimizda  elektromobillar soni  juda kam, biroq bu ishlar kelajakda  amalga oshirilishi kerak. Zero, turli mamlakatlar amaliyoti elektromobillarning  u qadar  xavfsiz  transport vositasi emasligini ko‘rsatmoqda.  

Roman BONDARCHUK, O‘zA