O‘zbek futbolining 2021 yil yakunlariga bag‘ishlangan UZ Football Awards-2021 taqdirlash marosimi bo‘lib o‘tdi.

Toshkentdagi «Renessans Hall»da O‘zbekiston futbol assotsiatsiyasining yil laureatlarini taqdirlashga qaratilgan «UZ Football Awards» marosimida o‘zbek futbolining joriy mavsumdagi eng yaxshilari hamda yurtimizda futbol rivoji uchun hissa qo‘shib kelayotganlar taqdirlandilar.

Farg‘ona viloyati hokimi Xayrullo Bozorov “Futbol rivoji uchun” sovrini bilan taqdirlandi. Mamlakatimizda futbolni rivojlantirish va uni ommaviyligini oshirish yo‘lidagi xizmatlari, Namangan viloyati hokimi sifatida “Navbahor” klubini kuchli jamoaga aylantirishda va viloyatda yangi futbol akademiyalariga asos solishdagi hissasi, shuningdek, mazkur ishlarni Farg‘ona viloyati hokimi sifatida ham davom ettirayotganligi uchun ushbu sovringa loyiq deb topildi.

M. Sulaymonov, O‘zA