O‘zbekiston Respublikasi Bosh prokuraturasi Akademiyasi tomonidan Ichki ishlar vazirligi va Yaponiya xalqaro hamkorlik agentligi (JICA) bilan birgalikda joriy yilning 3-4 mart kuni «Yo‘l harakati xavfsizligini ta’minlashning dolzarb muammolari va bu sohada huquqbuzarliklarning profilaktikasi» mavzusida xalqaro ilmiy-amaliy konferensiya o‘tkaziladi.

Tadbirda mamlakatda yo‘l harakati xavfsizligini ta’minlashga mas’ul vazirlik va idoralar xodimlari, milliy va chet el oliy ta’lim hamda ilmiy-tadqiqot institutlari ekspertlari, ommaviy axborot vositalari va fuqarolik jamiyati institutlari vakillari hamda sohadagi muammolar bilan shug‘ullanayotgan tadqiqotchilar qatnashadilar.

Bosh prokuratura Akademiyasi keng jamoatchilik vakillaridan yo‘l harakati xavfsizligiga oid takliflarini trafficsafety@proacademy.uz elektron manzili orqali yuborib, mamlakatda ushbu sohani yanada yaxshilashga o‘z hissalarini qo‘shishda faol bo‘lishga chaqiradi.

 

Bosh prokuratura Akademiyasi