Kecha xabar qilganimizdek, Xalq bankida bank Kuzatuv kengashining navbatdagi yig‘ilishi bo‘lib o‘tdi.

Yig‘ilishda bank boshqaruvining 2021 yil 9 oylik (III-chorak) yakunlari bo‘yicha bank faoliyati natijalari hamda biznes-reja ijrosi to‘g‘risidagi hisoboti, Pandemiya sababli yaratiladigan zaxiralar bo‘yicha aniq ma’lumotlarni hamda kredit portfelidagi harakatsiz kreditlar (NPL) ko‘rsatkichini prognozlashtirish bo‘yicha hisobotlari tinglandi.

Ma’lumki bankning so‘ngi davrdagi kredit portfelidagi harakasiz kreditlar (NPL) ko‘rsatkichi ortib borayotganligi jamoatchilikda keng muhokamaga sabab bo‘lmoqda. Mazkur holat bo‘yicha, ya’ni kredit portfelidagi harakasiz kreditlar (NPL) ko‘rsatkichini maqbul darajaga tushirish, mijozlar bilan ishlash tizimini ko‘rib chiqish masalasi ham muhokama qilindi.

Shungingdek, Kengash a’zolari bankni sog‘lomlashtirish va mavjud muammolarni bartaraf etish bo‘yicha olib borilayotgan chora-tadbirlar bilan tanishdi.

Kunning ikkinchi yarmida Kuzatuv kengashining mustaqil a’zolari va Markaziy bank vakillari ishtirokida uchrashuv tashkil etildi.

Bank Axborot xizmati