O‘zbekiston Qurolli Kuchlari tashkil etilganining 33 yilligi va Vatan himoyachilari kuni arafasida O‘zbekiston Respublikasi Madaniyat vazirligi qoshidagi Kinemotografiya agentligi byurtmasi asosida Milliy gvardiya, Respublika Ma’naviyat va ma’rifat markazi, “Renessans” telekanali hamda “Liger Cinema” kinostudiyasi hamkorligida Milliy gvardiya “Temurbeklar maktabi”dagi o‘quv jarayonlari va o‘quvchilar hayotiga bag‘ishlangan 60 qismli “Va’da” nomli teleserial tasvirga olindi.

Sanjar Mamanazarov ssenariysi asosida postanovkachi rejissyorlar Jamshid Narziqulov, Bobur Sher o‘g‘li tomonidan tasvirga olingan ushbu teleserialda mahoratli aktyor va aktrisalardan tashkil topgan ijodiy jamoa, 100 dan ortiq ijodkor va texnik xodimlarning bevosita mashaqqatli mehnati yotibdi.  

"Va’da" seriali Milliy Gvardiya "Temurbeklar maktabi" harbiy akademik litseyida kechayotgan hayotni aks ettiruvchi ko‘p seriyali badiiy asardir. Serial harbiy melodrama janrida suratga olingan bo‘lib, unda komediya unsurlari ham mohirona qo‘llanilgan.

Har bir qahramonning o‘z tarixi, orzulari va muammolari bor. Ularning ba’zilari oilasining og‘ir moddiy ahvoli tufayli qiynalsa, boshqalari ota-onasi bilan bo‘lgan munosabatlardagi murakkabliklarni boshdan kechiradi. Ammo ularni birlashtirgan narsa - bu Vatanga bo‘lgan muhabbat va harbiy xizmatchi bo‘lish orzusidir.

<iframe width="789" height="444" src="https://www.youtube.com/embed/riDPJsUHNDc" title="&quot;Va’da&quot; - burch, sadoqat, jasorat seriali" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ushbu milliy teleserial oila davrasida miriqib tomosha qilishingizni tavsiya qilamiz.  “Va’da” milliy teleseriali 14 yanvar arafasida “Renessans” telekanalida efirga chiqadi.

M.Turdaliyeva, A.Ahmedov (video), O‘zA