FOTOREPORTAJ

Buxoro shahri mezbonlik qilgan “Universiada – 2025” sport o‘yinlarining voleybol bo‘yicha bahslari o‘z yakuniga yetdi. Qizlar o‘rtasidagi musobaqalar Buxoro shahridagi “Yoshlik” sport majmuasida, o‘g‘il bolalar o‘rtasidagi o‘yinlar esa Buxoro davlat universiteti sport zalida o‘tkazildi.

[gallery-21339]

Besh kun davom etgan Respublika bosqichida mamlakatimiz oliy ta’lim muassasalari talabalaridan tarkib topgan 18 jamoa sportdagi mahoratini namoyish etdi. Bahslar qizg‘in va murosasiz kechdi.

Yakuniy natijalarga ko‘ra, musobaqaning o‘g‘il bolalar o‘rtasidagi bahslarida mezbon jamoa g‘olib bo‘ldi. Namangan va Toshkent viloyatlari jamoalari ikkinchi va uchinchi o‘rinlarni egalladi. Qizlar o‘rtasida Xorazm viloyati sportchilari birinchi, andijonlik voleybolchilar ikkinchi va Buxoro viloyati jamoasi uchinchi o‘ringa sazovor bo‘ldi.  

Tohir ISTATOV(surat),O‘zA