Украина бош қўмондони генерал Александр Сирский Россия кучлари бутун асосий фронт бўйлаб ҳужумни кучайтирганини тасдиқлади. Қуролли Кучларнинг ижтимоий тармоқдаги саҳифасига кўра, чоршанбадан пайшанбага ўтар кечаси жами 145 марта “Шаҳид” ва бошқа номдаги учувчисиз учоқлар йўналтирилган. Кенг миқёсли дрон ҳужуми Донецк, Харьков, Киев, Хмельницкий, Полтава ва Николаев каби бир неча йирик ҳудудларни нишонга олиб, кўплаб жароҳат ва моддий зарар келтириб чиқарган.

Николаев шаҳридаги турар-жой биносида 10 киши жабрланди, хонадонлар, шахсий буюмларга зиён етди.

Губернатор Виталий Ким ҳужумни тўхтатиш кераклигини таъкидлаган.

Украина мудофаа кучлари маълумотида тунги ҳужумга авиация, зенит-ракета тизими, электрон уруш бўлинмалари ва мобил ўт ўчириш гуруҳлари жавоб қайтарган. Жами 85 дрон уриб туширилган. 49 учоқ йўналишидан чиқиб кетган ва мўлжалланган нуқтага етиб бормаган.

Мусулмон Зиё, ЎзА