FOTOREPORTAJ

Poytaxtimizdagi Xalqaro shaxmat akademiyasida an’anaviy “Toshkent yozi” reyting turnirining 6 ta turi ortda qoldi.  

300 nafarga yaqin shaxmatchi “A” va “B” guruhlariga bo‘lingan holda o‘z mahoratini namoyon etayotgan reyting turnirida peshqadamlar saralanib qoldi. “A” guruhida Akbarali Abduhakimov, Davron Sharipov, Uchqun Umirovlar 6 imkoniyatdan 5,5 ochkodan jamg‘argan holda peshqadamlik qilmoqda. “B” guruhida Akrom Yo‘ldoshev barcha raqiblarini mag‘lubiyatga uchratib, 6 ochko bilan yagona yetakchi bo‘lib turibdi.

[gallery-13274]

Qizlardan Ruqiya Olimova (“A” guruhi) hisobida 5 ochko bor. Guldona Karimova va Shohina Ahmedova 6 imkoniyatdan 4,5 ochko jamg‘argan. “B” guruhida Mohlaroyim Ortiqova yetakchilik qilyapti. Uning hisobida 5 ochko bor. Husnoraxon Husniddinova peshqadamdan bir ochko ortda boryapti.

Reyting turniri g‘olib va sovrindorlari 28 avgust kuni ma’lum bo‘ladi.

Muhammad AMIN (surat), O‘zA