Toshkent tumani aholisi ham referendumda faol ishtirok etmoqda
Ayni paytda O‘zbekiston Respublikasi Konstitutsiyaviy qonuni loyihasi bo‘yicha referendumda ovoz berish jarayonlari ko‘tarinki ruhda o‘tkazilmoqda.
Bu siyosiy jarayonda Toshkent viloyati Toshkent tumani aholisi ham faol ishtirok etmoqda.
Ayni chog‘da tumandagi 553-referendum uchastkasi ovoz beruvchilar bilan gavjum. Ularning asosiy maqsadi esa O‘zbekiston kelajagi va farovon hayotni ta’minlashdagi ezgu ishlarga o‘z hissasini qo‘shish va referendumda ovoz berishdir.
Ushbu referendum uchastkasida "O‘zbekiston milliy elektr tarmoqlari" AJ boshqaruvi raisi Dadajon Isaqulov ham o‘z konstitutsiyaviy huquqidan foydalandi.
Nasiba Ziyodullayeva, O‘zA