Adliya vazirligi tomonidan Toshkent shahridagi davlat xizmatlari markazlarida shaxsni yuz qiyofasi orqali aniqlash imkoniyati yaratildi.
Buning o‘ziga xos jihati shundaki, endilikda fuqarolarimiz davlat xizmatlarini olishda shaxsini tasdiqlovchi hujjatlarni taqdim etishlari shart emas, ular haqidagi ma’lumotlar avtomatik ravishda aniqlanadi.
Bu, o‘z navbatida, fuqarolarimiz uchun qo‘shimcha yengillik yaratib, xizmat ko‘rsatish vaqtining qisqarishiga olib keladi.
Ma’lumot o‘rnida qayd etish joizki, O‘zbekiston Respublikasi Prezidentining 2024 yil 24 maydagi farmonida 2024 yil yakuniga qadar davlat xizmatlarini ko‘rsatishda shaxsni biometrik identifikatsiya qilish (Face-ID ) usuli joriy qilinishi belgilangan.
N.Abduraimova, O‘zA