To‘rt oyda 147,1 million dollarlik mahsulot eksport qilindi
Olmaliq kon-metallurgiya kombinati mehnat jamoasi tomonidan barcha ishlab chiqarish prognozlari bajarilishi barobarida mahsulotlar eksporti ham ortig‘i bilan uddalandi.
2025 yil yanvar-aprel holati bo‘yicha OKMK tomonidan 147 106 000 dollarlik mahsulotlar eksporti amalga oshirilib, prognoz 104 foizga bajarildi.
O‘tgan 4 oy mobaynida xorijlik iste’molchilarga 13320 tonna mis, 7254 tonna rux mahsulotlari, 141 tonna kadmiy, 2573 tonna mis kuporosi yuborilgan.
Ma’lumot uchun: yildan yilga OKMK eksport geografiyasi kengayib bormoqda. Hozirda kombinat mahsulotlari 19 ta davlatga eksport qilinmoqda. 2024 yilda bir qator yangi bozorlar o‘zlashtirildi. Jumladan, Gvineya, Senegal, Serbiya, Janubiy Afrika Respublikasi, Portugaliya kabi davlatlarga mis katankasi va mis kuporosi eksporti amalga oshirildi.
OKMK Axborot xizmati