Ajiniyoz nomidagi Nukus davlat pedagogika institutining Tasviriy san’at va texnologik ta’lim fakultetida nazariy mashg‘ulotlarni amaliyot bilan uyg‘un olib borish uchun barcha sharoit yaratilgan.

Fakultetning o‘quv-ustaxonasi O‘zbekiston Respublikasi Vazirlar Mahkamasining 2018 yil 22 noyabrdagi “Islom taraqqiyot banki ishtirokida “Oliy ta’lim muassasalari moddiy-texnik bazasini mustahkamlash” loyihasini amalga oshirish chora-tadbirlari to‘g‘risida”gi qarori ijrosi doirasida jami 70 ming AQSH dollariga yaqin mablag‘ hisobidan zamonaviy asbob-uskunalar bilan ta’minlangan.

[gallery-21447]

– Ushbu o‘quv-ustaxonasining oshpazlik, temirga hamda yog‘ochga ishlov berish, tikuvchilik kabi xonalarida talabalar nazariy bilimini amaliyot bilan mustahkamlamoqda, - deydi texnologik ta’lim kafedrasi boshlig‘i Nurilla O‘rinbetov. – Bu yerda o‘quv va amaliyot darslaridan tashqari, talabalar uchun to‘garak mashg‘ulotlari ham olib boriladi. 100 dan ziyod talaba ushbu to‘garaklarda bo‘sh vaqtini samarali o‘tkazmoqda. Shu kunlarda o‘quv-ustaxonasida robototexnika bo‘yicha maxsus xona tashkil etish ishlari amalga oshirilayotir.

<iframe width="650" height="420" src="https://www.youtube.com/embed/-ZjT8xZ3k_8" title="Talabalar nazariy bilimini amaliyot bilan mustahkamlamoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Maqsad HABIBULLAEV (surat va video), O‘zA