FOTOREPORTAJ

Ma’lumki, Prezidentimiz boshchiligida yoshlarni qo‘llab-quvvatlash, iqtidor va iste’dodini yuzaga chiqarish, bo‘sh vaqtini mazmunli tashkil etish maqsadiga qaratilgan qator loyihalar amalga oshirilmoqda. Shunday loyihalardan biri, “Besh tashabbus olimpiadasi” ikki mavsumi doirasida o‘tgan 2023-yilda 21 dan ortiq tanlov va musobaqalar tashkil etilib, ularga birinchi mavsumda 480 ming nafar, ikkinchi mavsumda 537 ming nafar o‘g‘il-qiz qamrab olindi. Olimpiadaning navbatdagi, joriy yil birinchi mavsumi doirasida madaniyat, san’at, sport, IT va kasblar tanlovi kabi qator muhim yo‘nalishlarini o‘zida qamrab olgan 26 ta tanlov va musobaqa o‘tkazilishi belgilandi. 

[gallery-16342]

Joriy yilning 10-fevralidan boshlab, “Besh tashabbus olimpiadasi”ning 2024-yil birinchi mavsumida ishtirok etish uchun ro‘yxatdan o‘tishga start berilgan bo‘lib, bugungi kunga qadar viloyat miqyosida 400 mingdan ortiq o‘g‘il-qiz hamda jamoalar 5tashabbus.uz sayti orqali ro‘yxatdan o‘tgan. 

Olimpiadaning ushbu mavsumida yosh kitobxon oila, mushoira, Ibrat chet tillari, yosh quruvchi, yosh musavvir, elektromontaj ustasi, payvandlash ustasi, novvoychilik, dizaynerlik tanlovlari va armrestling musobaqasi qo‘shilgan. 

Jonibek QO‘ZIMURODOV (surat), O‘zA