Bugun futbol bo‘yicha O‘zbekiston Superligasining 26-turidan o‘rin olgan OKMK hamda "Nasaf", "Bunyodkor" va "Mash’al" klublari bahsi bo‘lib o‘tadi.

Aniqroq aytadigan bo‘lsak, turning markaziy o‘yini deya e’tirof etilayotgan Olmaliqning OKMK jamoasi o‘z uyida amaldagi chempion "Nasaf"ni mehmon qiladi. Uchrashuv 16:30da start oladi. Poytaxtimizdagi "Olimpiya" stadionida o‘tkaziladigan "Bunyodkor" va "Mash’al" bahs esa 18:30da boshlanadi.  

Eslatib o‘tamiz, kuni kecha Superliganing 26-turida "Sho‘rtan" o‘z maydonida "Neftchi"ga 0:2 hisobida imkoniyatni boy berib qo‘ygan bo‘lsa, “Vodiy derbisi”da  “Qo‘qon-1912”  2:0 hisobida “Navbahor”dan ustun keldi.  

Javohir Toshxo‘jayev, O‘zA