Sport kurashlari bo‘yicha mamlakat chempionlari aniqlanmoqda
Toshkentdagi “Universal” majmuasida sport kurashlari bo‘yicha O‘zbekiston chempionatida ilk g‘olib va sovrindorlar nomi aniq bo‘ldi.
Dasturga ko‘ra, musobaqada yunon-rum kurashi bo‘yicha bahslarda -55, -63, -72, -82, -97 kg. vazn toifalarida bellashuvlar o‘tkazildi. Unda Jasur Ortiqboyev, Aytjon Xalmaxanov, Abror Atabayev, Muhammadqodir Rasulov va Abduqodir Jalilov barcha raqiblarini yengib, oltin medalni qo‘lga kiritdi.
Bugun, 21 noyabr kuni yunon-rum kurashi bo‘yicha -60, -67, -77, -87 va -130 kg. vazn toifalarida mamlakat chempionlari aniqlanadi.
Javohir Toshxo‘jayev, O‘zA