Соҳилда эшкак эшиш бўйича мамлакат чемпионлари аниқланди
Самарқанд шаҳрида соҳилда эшкак эшиш бўйича 19 ёшгача бўлган йигит-қизлар ўртасида ўтган Ўзбекистон чемпионатининг барча ғолиб ва совриндорлари аниқланди.
Жумладан, мусобақанинг CM1x классида Шоҳруз Толибов, Хусейн Толибов ва Баҳром Бердиқулов шоҳсупага кўтарилган бўлса, қизлар орасида Маъмура Юлчиева, Айсанем Фархатова ва Диёра Усмоналиева совринли ўринларни банд этди.
Шунингдек, CM2x беллашувларида Асилбек Ниғматов/Қувончбек Холиқулов тандеми олтин медалга сазовор бўлди. Саиджалол Қаҳрамонов/Парвиз Эшбоев дуэти кумуш, Зайниддин Ниғматов/Шаҳруз Толибов жуфтлиги эса бронза медалга эга чиқди. CW2x дастурида Маъмура Юлчиева/Шоҳиста Раҳмонқулова мамлакат чемпионига айланди. Мадина Савина/Диёра Усмоналиева вице-чемпион, Ригина Раимжонова/Милена Медведева учинчи ўрин соҳиби бўлди.
Жавоҳир Тошхўжаев, ЎзА
