Vatanimiz mustaqilligining 33 yilligi va “Sharq taronalari” xalqaro musiqa festivaliga ko‘rilgan tayyorgarlik shaharga yanada fayz va chiroy baxsh etgan. Ko‘cha va xiyobonlar, maydonlarda ekilgan turli tuman gullar, yo‘llar chetidagi rango rang bayroqlar kishiga zavq beradi. So‘lim bog‘ va xiyobonlar tarovati o‘zgacha.

Prezidentimiz tashabbusi bilan bu yil “Sharq taronalari” XIII xalqaro musiqa festivalini o‘tkazishga doir qaror qilindi va mazkur san’at bayramiga har qachongidan ham yuksak darajada tayyorgarlik ko‘rildi. Dunyoning saksonga yaqin davlati vakillari festivalda qatnashish istagini bildirdi. Shuningdek, nufuzli xalqaro tashkilotlar rahbarlari, taniqli madaniyat va san’at arboblari ayni paytda Samarqandda bo‘lib turibdi.  

[gallery-18907]

G‘.HASANOV,

A.ISROILOV (surat),

O‘zA