Pokiston Bosh vaziri Shahboz Sharif Turkiya Prezidenti Rejep Tayyip Erdog‘anga Pokistonni “qat’iy qo‘llab-quvvatlagani va ajralmas birdamligi” uchun minnatdorlik bildirdi.

U ijtimoiy media sayti orqali bergan bayonotida ko‘p yillik qardoshlik aloqalari bilan faxrlanishini bildirgan:

– Aziz birodarim, Prezident Rejep Tayyip Erdog‘anning kuchli qo‘llab-quvvatlovi, Pokiston bilan cheksiz birdamligi menga chuqur t’sir qildi. Uning Janubiy Osiyoda tinchlikni mustahkamlashga qaratilgan qat’iy sa’y-harakati, konstruktiv roli uchun minnatdorlik bildiramiz.

Shahboz Sharif Pokiston va Turkiya aloqalari har ikki davlat “yorqin va farovon kelajak” qurish yo‘lidan borayotgan bir paytda yanada mustahkamlanishiga umid bildirdi.