![](https://cdn.uza.uz/2022/01/21/07/45/PbrthegbBGw1AIYx8Bgm9l7oahxKXtFF_normal.jpg)
19 yanvarda Vazirlar Mahkamasining "Xorijiy tillarni o‘rganishni takomillashtirish bo‘yicha chora-tadbirlar to‘g‘risida" gi qarori qabul qilindi.
Qarorga asosan, xalqaro darajada tan olingan sertifikatga ega rus tili fani o‘qituvchilariga oylikka qo‘shimcha ustama haq to‘lab beriladi.
2022 yil 1 fevraldan boshlab ta’lim tili rus tili bo‘lmagan umumta’lim muassasalar (sinflar)da faoliyat yuritayotgan kamida S1 va undan yuqori darajadagi milliy yoki unga tenglashtirilgan mos darajadagi xalqaro tan olingan sertifikatga ega rus tili fani o‘qituvchilariga 50 foiz miqdorida ustama to‘lanadi.
Bunda rus tili bo‘yicha "Test of Russian Foeign Language (TORLF)" xalqaro sertifikatining S1 darajasi, "Test po russkomu yazыku kak inostrannomu" xalqaro sertifikatini TRKI3 darajasi, "Test po russkomu yazыku kak inostrannomu" xalqaro sertifikatining S1 hamda "The Common European Framework of Reference for Languages" metodikasi bo‘yicha S1 darajadagi sertifikatlar o‘zaro muvofiq hisoblanadi.
Ushbu ustamalarni o‘z vaqtida to‘lab borilishini ta’minlash bo‘yicha hududiy xalq ta’limi bo‘linmalariga vazirlikning ko‘rsatmasi berildi.
O‘zA