Қора денгизда кемаларга ҳужумлар кескин кўпайди
Жорий йил бошидан бери Қора денгизда 570 дан ортиқ кемага ҳужум қилинган, натижада 40 денгизчи ҳалок бўлган.
Таъкидланишича, июль ва сентябрь ойлари оралиғида Қора денгизда тахминан 387 та кема шикастланган - бу аввалги чоракдаги кўрсаткичдан беш баравар кўп дегани.
Таҳдид туфайли кема эгалари Қора денгиз саёҳатларидан воз кечмоқда ва суғурта нархи кема корпуси қийматининг 15 фоизигача етиши мумкин. Бу Форс кўрфазидаги кемаларникидан деярли икки баравар кўп. Баъзи компаниялар суғурта қилиш арзонроқ, аммо хавфсизроқ бўлиши мумкин бўлган эски танкерлардан фойдаланмоқда.
Хавф кучайиши оқибатлари Украина экспортига ҳам таъсир қилмоқда. Энг йирик хусусий порт оператори TIS маълумотларига кўра, Одесса портлари сентябрь ойида 10 тадан кам кемани қабул қилган, июль ойида эса бу кўрсаткич тахминан 400 та эди.
Украина донни кичикроқ Дунай портлари орқали қайта йўналтирмоқда, лекин улар ҳам ҳужумга учрамоқда.
С.Раҳимов, ЎзА
