Qirg‘izistonning Qorako‘l shahrida barpo etilgan yangi stadionning tantanali ochilish marosimida Prezident Sadir Japarov mamlakat sport infratuzilmasini rivojlantirish bo‘yicha tuzilgan keng ko‘lamli reja haqida ma’lumot berdi.

Jumladan, Bishkekda 51 000 o‘rinli Markaziy Osiyoda eng yirik stadionlardan biri qurilayotgani ta’kidlandi. Mazkur inshoot respublikada sportni rivojlantirish va yirik xalqaro musobaqalarni o‘tkazish uchun sharoit yaratish borasidagi sa’y-harakatning muhim bo‘lagidir.

Bundan tashqari davlat rahbari Qirg‘iziston 2031 yil futbol bo‘yicha Osiyo kubogini o‘tkazish uchun rasman ariza topshirganiga ham to‘xtaldi.