Qatagʻon qurbonlari muzeyi ochildi
Navoiy davlat pedagogika instituti qoshida Qatagʻon qurbonlari xotirasi muzeyi ochildi.
Navoiy davlat pedagogika instituti qoshida Qatagʻon qurbonlari xotirasi muzeyi ochildi.
Oʻzbekiston Respublikasi Vazirlar Mahkamasining 2017 yil 22 noyabrdagi“Oʻzbekiston Respublikasi Vazirlar Mahkamasi huzuridagi Qatagʻon qurbonlari xotirasi davlat muzeyi va hududlardagi oliy taʼlim muassasalari tuzilmasida Qatagʻon qurbonlari xotirasi muzeylarini tashkil etish chora-tadbirlari toʻgʻrisida”gi qarori ijrosi doirasida tashkil etilgan maʼnaviyat maskanida milliy ozodlik yoʻlidagi kurashda qurbon boʻlgan vatandoshlarimiz haqida maʼlumotlar, hujjatlar, suratlar va buyumlar jamlangan.Tashrif buyuruvchilar “Oʻrta Osiyoning chor Rossiyasi tomonidan bosib olinishi”, “1930-1937 yillar qatagʻoni”, “Paxta ishi”, “Mustaqillik yillarida tarixiy adolatning tiklanishi va qatagʻon qurbonlari xotirasining abadiylashtirilishi” singari zallarda oʻzlarini qiziqtirgan mavzularda maʼlumotlar olishi mumkin.
Muzey yosh avlodni milliy qadriyatlarimizga hurmat ruhida tarbiyalash, ularda vatanparvarlik, maʼrifatparvar ajdodlar bilan faxrlanish,mustaqilligimizni asrab-avaylash va yanada mustahkamlash yoʻlida sidqidildan mehnat qilish tuygʻusini shakllantirishda muhim ahamiyat kasb etadi.
