“Buxoro aeroporti” chegara bojxona posti orqali qadimiy numizmatika ashyolarini olib chiqishga uringan shaxs to‘xtatib qolindi.

U xorijiy yo‘nalishdagi aviareys orqali uchib ketish arafasida fuqaroning qo‘l yuklari bojxona nazoratidan o‘tkazilgan vaqtda yuklar orasida 4 dona qadimiy tanga borligi aniqlandi. 

Hozir mazkur numizmatika buyumlarining qadimiylik darajasini aniqlash maqsadida Buxoro viloyati Madaniy meros boshqarmasi tomonidan badiiy ekspertiza tayinlangan. 

Holat yuzasidan tergovga qadar tekshiruv harakatlari olib borilmoqda. 

Zarif Komilov, O‘zA muxbiri