Buxoro viloyati bojxona boshqarmasining “Buxoro aeroporti” chegara bojxona posti hamda Aviatsiya xavfsizlik xizmati xodimlari hamkorligida qadimiy tangalarning yurtimiz hududidan olib chiqilishi oldi olindi.

“Buxoro-Vnukovo” yo‘nalishi bo‘yicha xorijiy davlatga uchib ketayotgan fuqaro o‘zi bilan Respublikamiz hududidan ta’qiqlangan madaniy meros ashyolarini olib chiqishga uringan vaqtda to‘xtatib qolindi. 

Hozirda ashyoviy dalil sifatida saqlovga olingan jami 8 dona tangalarning qadimiylik darajasini aniqlash maqsadida Buxoro viloyati madaniy meros boshqarmasi tomonidan ekspertizadan o‘tkazilmoqda. 

Dastlabki xulosalarga ko‘ra, ushbu ashyolar 1682-1725 yillarda Pyotr I hukmronligi davrida zarb etilganligi yuzasidan ma’lumotlar mavjud. 

Zarif Komilov, O‘zA muxbiri.