“Yosh kitobxon” tanlovining 2023 yilgi mavsumida birinchi o‘rinni qo‘lga kiritgan kitobxonlarimizga Prezident sovg‘asi “Kobalt” avtomashinasi topshirildi.

Xususan, Samarqand viloyati Jomboy tumani Tut mahallasida yashovchi Nargiza Muhammadova 10-14 yosh toifasida ishtirok etib, 417,4 ball bilan mutlaq g‘olib bo‘lgan edi. Yosh kitobxon Nargiza maktabiga o‘z avtomashinasida kirib bordi. G‘olibni viloyatda munosib kutib olishdi. Uni o‘zining maktab jamoasi, ustoz va murabbiylari hamda o‘quvchilar qarshi oldi. 

Shuningdek, 15-19 yosh toifasida Qashqadaryo viloyatidan Mironshoh Nurmatov, 20-30 yosh toifasida Toshkent shahridan Gulhayo Soliyeva 1-o‘rinni egallab, “Kobalt” avtomashinasi sohibi bo‘ldi. 

Gulnoza Boboyeva, O‘zA