“Президент олимпиадаси”: Дзюдо ва баскетболчилар баҳси қизғин давом этмоқда (+видео)
Пойтахтимиздаги “Олимпия шаҳарчаси”да “Президент олимпиадаси” доирасида дзюдо ва 3х3 баскетбол спорт турлари бўйича беллашувлар ўтказилмоқда.
Жумладан, "Яккакураш спорт турлари" спорт мажмуасида ўтаётган дзюдо баҳсларида мамлакатимизнинг турли ҳудудларидан келган ёш полвонлар жами 16 та вазнда медаллар учун рақобатлашмоқда.
Баҳсларнинг илк кунида қизлар, -40 кг, - 44 кг, йигитлар эса -50 кг, -55 кг, -60 кг вазн тоифаларида беллашди. 3 декабрь куни эса дзюдочи қизлар -48 кг, - 52 кг, - 57 кг, ўғил болалар эса - 66 кг, -73 кг вазн тоифаларида татамига чиқадиган бўлди. Дзюдо мусобақалари 4 декабрь кунига қадар давом этади.
3х3 баскетбол бўйича бугун ва эртага гуруҳ ҳамда плей-офф босқичлари ўтказилса, ярим финал ва финал баҳслари 3 декабрь куни бўлиб ўтади.
Шуни таъкидлаб ўтишимиз лозимки, “Президент олимпиадаси” мусобақаларининг сўнгги кунида стол тенниси бўйича ғолиб ва совриндорлар аниқланади ҳамда 5 декабрь куни тантанали ёпилиш маросими ўтказилади.
<iframe width="650" height="420" src="https://www.youtube.com/embed/wKR47ZiCluA" title="“Prezident olimpiadasi”: Dzyudo va basketbolchilar bahsi qizg‘in davom etmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Жавоҳир Тошхўжаев, Алимурод Мамадаминов (сурат), ЎзА мухбирлари
