Turli o‘quv markazlari Prezident maktablariga tayyorlash dasturi bo‘yicha ishlashi xususida reklama qilishmoqda. Ularni Prezident maktablariga aloqasi bormi?

Ushbu savolga  Prezident, ijod va ixtisoslashtirilgan maktablarni rivojlantirish agentligi axborot xizmati javob berdi.

"Prezident maktablariga kirish uchun tayyorlaydigan rasmiy o‘quv kurslari mavjud emas! Ijtimoiy tarmoqlarda «Prezident maktablariga tayyorlaymiz», «Prezident maktablariga kirish uchun oraliq «repetitsion» test sinovlari» qabilidagi e’lonlar asosida «Prezident maktablari» brendi ostida mo‘maygina daromad orttirayotgan tayyorlov kurslarining e’lonlari juda ko‘p uchraydi. RESIDENT SCHOOLS (BLOG), Next StepUp School, Reprezuz veb-sahifasi va «Prezident maktablari uchun tayyorlov kurslari» deb e’lon berayotgan boshqa o‘quv kurslarining Prezident maktablariga hech qanday daxli yo‘q.

Asosiy maqsadimiz iqtidorli, bilimga chanqoq, o‘z ustida doimiy ravishda ishlaydigan, izlanadigan, o‘quvchilarni shaffof sinov orqali tanlab olish.

Qaytarib o‘tamiz, Prezident maktablarining rasmiy o‘quv kurslari mavjud emas!"