Toshkent shahrida magistral suv quvurlari va kanalizatsiya kollektorlarini yangilash hamda irrigatsiya tizimini tiklash bo‘yicha 2023 yil boshida shakllantirilgan ishlar rejasi asosida 11 ta tumanning 45 ta ob’ektida qurilish-montaj, rekonstruksiya ishlari olib borilmoqda.

Yangi tarmoqlarni qurish ishlarida suv sarfidan kelib chiqib turli diametrli 10 ta yangi  temir-beton kollektorlar, irrigatsiya tarmoqlariga temir-beton lotoklar va nasos stansiyalariga qo‘shimcha nasos uskunalari o‘rnatilmoqda.

Qurilish-montaj ishlaridan ko‘zlangan asosiy maqsad aholiga qulaylik yaratish, kuz-qish mavsumiga puxta tayyorgarlik ko‘rish, yog‘ingarchilik yaqinlashayotgan pallada shaharda  yomg‘ir suvlari to‘planishi natijasida suv toshishining oldini olish, shahardan toshgan suvlarni betalafot chiqarib tashlashdan iborat.

Gulnoza Boboyeva, O‘zA