Para pauerlifting bo‘yicha terma jamoamiz Jahon kubogini 7 ta medal bilan boshladi
Gruzianing poytaxti Tbilisi shahrida bo‘lib o‘tayotgan para pauerlifting bo‘yicha Jahon kubogi O‘zbekiston terma jamoasi uchun muvaffaqiyatli boshlandi.
Musobaqaning dastlabki kunida Umida Rajapova va Umida Ro‘ziyeva har biri 2 tadan oltin medalni qo‘lga kiritdi. Shuningdek, Sanjar Allaberganov ham o‘z vazn toifasida chempionlikni qo‘lga kiritdi. Dildora Nurilloyeva esa 2 ta kumush medal bilan taqdirlandi.
Shu tariqa, musobaqaning ilk kunida O‘zbekiston vakillari jami 5 ta oltin va 2 ta kumush medalni qo‘lga kiritishga muvaffaq bo‘ldi.
Eslatib o‘tamiz, Jahon kubogi 12 mayga qadar davom etadi va unda dunyoning 25 davlatidan 140 nafarga yaqin para pauerliftingchilar ishtirok etmoqda.
Javohir Toshxo‘jayev, O‘zA