O‘zbekiston Milliy banki investorlarga Jizzax viloyati Zomin tumanidagi Suffa platosida joylashgan «Zomin Wellness» Spa – sog‘lomlashtirish kompleksi loyihasi bo‘yicha hamkorlikni taklif etadi.

Yer uchastkasining umumiy maydoni — 1 694 m2 (asosiy bino 1 400 m2 yaqin, ichki hovli 127,6 m2 va yerto‘la 166,4 m2).

Kompleks tarkibiga quyidagilar kiradi: to‘rtta massaj xonasi, kiyinish xonalari, hammom, fin saunasi, zarbali basseyn (shok-pul), rus hammomi (bug‘xonasi), turk hammomi (hararet), issiq dam olish xonasi (iliqlik), relaks zonasi, tuz xonasi, 10,4 x 22,0 m o‘lchamdagi suzish havzasi, diametri 4 m bo‘lgan bolalar hovuzi, 28 joyga mo‘ljallangan fito-bar va yozgi terrasa.

O‘tkazish imkoniyati kuniga 200 ta odamni tashkil etadi.

Yer uchastkasining umumiy maydoni 0,65 gektar.

Hamkorlik shartlari:

Taxminiy bahosi: 48.5 mlrd. so‘m.

To‘lov shartlari: 30% dastlabki to‘lov, qolgan 70% xarid shartnomasi imzolangandan kundan boshlab 3 oy ichida to‘lanadi. 

Zarur hollarda investor «O‘zmilliybank»dan mulk qiymatining 70 foizini qoplash uchun kredit ajratilishi mumkin.

Qo‘shimcha ma’lumot olish yoki uchrashuv tashkil etish uchun «NBU Invest Group» AJga quyidagi manzil bo‘yicha murojaat qilishingiz mumkin: Toshkent sh., Mirobod tumani, 95 Ya. G‘ulomov ko‘chasi (8-qavat). Telefon: +998 78 148-26-58, 98 995-34-77. E-mail: info@nbuig.uz