O‘zbekiston Respublikasi Prezidentining 2022 yil 30 apreldagi “Ichki turizm xizmatlarini diversifikatsiya qilishga oid qo‘shimcha chora-tadbirlar to‘g‘risida”gi qarorida Turizm va madaniy meros vazirligi hamda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga 2022 yil 1 sentyabrga qadar respublikadagi muqaddas qadamjolar va ziyoratgohlarning ro‘yxatini shakllantirish va “Uzbekistan.travel” yagona milliy turistik axborot portaliga joylashtirish vazifalari belgilangan.

Shunga asosan, respublika hududlarining “chorlovchi nuqta”si sifatida turizm yo‘nalishlariga kiritish yuzasidan respublikadagi muqaddas qadamjolar va ziyoratgohlarning ro‘yxati shakllantirildi. 

Ziyoratgohlar nomi, ob’ektning tashqi tomondan ko‘rinishi aks etgan suratlari, manzili hamda ob’ekt to‘g‘risida qisqacha ma’lumotlari “Uzbekistan.travel” yagona milliy turistik axborot portaliga joylashtirildi. 

O‘zA