2023 yil qahraton qishdagi noqulay ob-havo va yozdagi o‘ta issiq kunlar sababli qishloq xo‘jaligi mehnatkashlari uchun sinovli yil bo‘lgan bo‘lishiga qaramasdan oziq-ovqat mahsulotlarini ko‘paytirish borasida salmoqli natijalarga erishildi.

Qishloq xo‘jaligida islohotlar izchil amalga oshirilayotgan bugungi kunda aholini dehqonchilik mahsulotlariga bo‘lgan talabini qondirish va bu boradagi ta’minotni tubdan yaxshilash muhim ahamiyat kasb etadi. Qayd etish lozimki, mamlakatimiz hududlarida polizchilikning o‘ziga xos maktablari yaratilgan bo‘lib, ayniqsa qovun va tarvuz yetishtirish keng ommalashgan. 

Statistika agentligi ma’lumotlariga ko‘ra, o‘tgan 2023 yilda meva-sabzavot mahsulotlari eksporti hajmi 7,9 % ga oshgan. 

Xususan, 

— Olxo‘ri (quritilgan) – 34 ming tonna 

— Uzum – 121 ming tonna 

— Uzum (quritilgan) – 52,2 ming tonna 

— Shaftoli – 87,2 ming tonna 

— Qovun va tarvuz – 147,6 ming tonna 

— Xurmo – 50,3 ming tonna 

— Gilos – 45 ming tonna 

— O‘rik – 63 ming tonna 

— Pomidor – 54,2 ming tonna 

— Mosh – 148,5 ming tonna 

— Piyoz – 263,8 ming tonna 

— Tariq – 15,3 ming tonnadan iborat bo‘ldi.

Shuningdek, yil davomida 700 ming nafarga yaqin dehqonning daromadi oshdi. Kartoshka, piyoz, sabzi bilan o‘zini o‘zi ta’minlaydigan tumanlar ko‘paydi. 

Muhayyo Toshqorayeva, O‘zA