Mamlakatimiz rahbari Shavkat Mirziyoyevning Germaniya Federativ Respublikasiga rasmiy tashrifi davomida OKMK va “KfW-IPEX Bank” nemis banki bilan yangi Mis eritish kompleksining qurilishini moliyalashni tashkillashtirish bo‘yicha 2,55 milliard dollarlik mandat imzolandi.

Yangi mis eritish kompleksi Prezidentimizning 2020 yil 26 maydagi “Olmaliq KMK” AJ konlari negizida rangli va qimmatbaho metallar ishlab chiqarishni kengaytirishga doir qo‘shimcha chora-tadbirlar to‘g‘risida” gi qaroriga ko‘ra amalga oshirilayotgan “Yoshlik-1 koni o‘zlashtirish” investitsiyaviy loyihasi doirasida barpo etilmoqda. 

Yangi metallurgiya kompleksining qurilishi kombinatga mis, oltin va kumush ishlab chiqarish hajmini ikki barobar oshirish imkonini beradi. 

OKMK Axborot xizmati