![](https://cdn.uza.uz/2023/11/30/07/23/hEnga3ZDRXkOrZ0nZVN2ZbhW1ZgfRRHS_normal.jpg)
Mamlakatimizda aholining ijtimoiy himoyaga muhtoj qatlamini har tomonlama muhofaza qilish, jismoniy imkoniyati cheklangan shaxslarga g‘amxo‘rlik ko‘rsatish, ularni moddiy-ma’naviy rag‘batlantirish maqsadida tizimli ishlar amalga oshirilmoqda.
Olmaliq kon-metallurgiya kombinati tomonidan ham aholining nogironligi bo‘lgan qatlamini, maxsus ta’lim muassasalarida tahsil olayotgan jismoniy imkoniyati cheklangan bolalarni har tomonlama qo‘llab-quvvatlashga alohida e’tibor qaratilmoqda. Ushbu ezgu an’anaga sodiq qolgan holda 3 dekabr – Xalqaro nogironlar kuni munosabati bilan yana bir xayrli ishga qo‘l urildi. OKMK homiyligida Olmaliq shahridagi 80-sonli kar va zaif eshituvchi bolalar maxsus maktab internati, 6-sonli yordamchi maktab hamda Piskent tumanidagi 79-sonli, Angren shahridagi 34-sonli nogiron bolalar maktab internati va 9-sonli imkoniyati cheklagan bolalar ixtisoslashtirilgan maktabida tahsil olayotgan 1-5 sinf o‘quvchilariga jami 518 komplekt maktab formalari tuhfa etildi. Bu kabi ezgu amallar bardavomlik kasb etadi.
![](https://cdn.uza.uz/2023/11/30/07/23/LBH169M7BOHgW7xGQFJGoaHQZjmdj0Nc_front.jpg)
![](https://cdn.uza.uz/2023/11/30/07/23/w6dukPdMPcyiFe6HYYsuIZB182WpszUx_front.jpg)
OKMK matbuot xizmati