Olmaliq kon-metallurgiya kombinati mehnat jamoasi tomonidan 2025 yil yanvar-may holati bo‘yicha 193 740 000 dollarlik mahsulotlar eksporti amalga oshirilib, prognoz 103,1 foizga bajarildi.

Mahsulotlar kesimida tahlil etadigan bo‘lsak, o‘tgan 5 oyda 17 458 tonna mis, 9 496 tonna rux mahsulotlari, 141 tonna kadmiy, 3 326 tonna mis kuporosi xorijga jo‘natilgan. Shuningdek, reniy eksportida prognoz 370 foizga bajarilganini alohida ta’kidlash joiz.

Ma’lumot uchun, “Olmaliq KMK” AJning eksport geografiyasi yildan yilga kengaymoqda. Hozirda kombinat mahsulotlari 19 ta davlatga eksport qilinmoqda. 2024 yilda bir qator yangi bozorlar o‘zlashtirildi.

Jumladan, Gvineya, Senegal, Serbiya, Janubiy Afrika Respublikasi, Portugaliya kabi davlatlarga mis katankasi va mis kuporosi eksporti amalga oshirildi.

OKMK Axborot xizmati