Bu haqda Qarshi tuman hokimligi axborot xizmati ma’lum qildi.

8 mart – Xalqaro xotin qizlar bayrami arafasida Qashqadaryo viloyatining Qarshi tumanida “Oila va xotin-qizlar maskani”ning ochilish marosimi bo‘lib o‘tdi.  

Yangi maskan faoliyati hukumatning 2020 yil 31 dekabrdagi tegishli qaroriga muvofiq, hududdagi oilalarni mustahkamlash, xotin-qizlarni qo‘llab-quvvatlash va ularning ijtimoiy faolligini oshirishga qaratilgan.  

Ushbu maskanda yoshlarni oilaviy hayotga tayyorlash maktabi, oilaviy qadriyatlarni mustahkamlash komissiyasi faoliyat olib boradi. Maskan oilalarni mustahkamlash, xotin-qizlarga huquqiy va tibbiy ko‘mak ko‘rsatish, bandligini ta’minlashda xizmat qiladi.

O‘lmas Barotov, O‘zA muxbiri