O‘zbekiston Milliy kutubxonasida Respublika Oila va xotin-qizlar qo‘mitasi bilan hamkorlikda “Kitobxon onalar kuni” doirasida “30 iyul - Xalqlar do‘stligi kuni” mavzusidagi tadbir hamda Respublika Ma’naviyat va ma’rifat markazi Jizzax viloyat bo‘limi rahbari, yozuvchi Iqboloy Umarovaning “O‘gay taqdir” nomli kitobining taqdimoti bo‘lib o‘tdi.

Ma’lumki, ushbu "kitobxon onalar" tadbiri an’anaviy tarzda uch yildan buyon har oyning 17 sanasida o‘tkazib kelinmoqda. Kitobxon onalar tadbirini muntazam tarzda o‘tkazilishidan maqsad, albatta, kitob va kitobxonlikni targ‘ib qilish natijasida aholi, ayniqsa, xotin-qizlar o‘rtasida ma’naviy-ma’rifiy muhitni yanada barqarorlashtirish, farzandlar tarbiyasida onalarning rolini yanada oshirish, ayollarning ta’lim olishi zarurligini va bilimli, kitob o‘qigan onalar vakilalarini targ‘ib etishdan iboratdir.

Tadbir davomida so‘zga chiqqanlar muallif Iqboloy Umarovaning yorqin ijodi va bugungi kunda ma’rifatli ayol jamiyatning taraqqiyot yo‘lini belgilab berishi to‘g‘risida ta’kidlab o‘tishdi. Bu kabi kitob taqdimotlari xotiralarda saqlanibgina qolmay, har bir kitobxon ayol qalbida o‘zgacha ishonch va maqsad tuyg‘ularini uyg‘otishiga ishonamiz.

<iframe width="650" height="420" src="https://www.youtube.com/embed/k4XKpk_D3xw" title="“O‘gay taqdir” nomli kitobining taqdimoti bo‘lib o‘tdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

M.Turdaliyeva, N. Abduvoitov (video), O‘zA