«Obod qishloq» Davlat dasturi zamonaviy maktabgacha ta’lim tashkiloti mukammal ta’mirlandi
Buxoro viloyati Olot tumani «Opshoq» mahalla fuqarolar yig‘inidagi 15-sonli maktabgacha ta’lim tashkiloti zamonaviy binoda faoliyatini boshladi.
Maktabgacha ta’lim tashkilotining avvalgi binosi o‘tgan asrning saksoninchi yillarida barpo etilgandi. Tashkilot zamon talabiga javob bermay qolgandi.
Tashkilot 1 milliard 300 million so‘m mablag‘ evaziga mukammal ta’mirlandi. U yerda 181 nafar bolajonning boshlang‘ich bilim va zarur ko‘nikmalarga ega bo‘lishi uchun barcha qulayliklar yaratildi. Ayni kunda esa MTTda hududdagi 100 nafar jajji bolajonlar tarbiyalanmoqda. 21 nafar ishchi-mutaxassislar faoliyat yuritmoqda.
MTT binosi «Obod qishloq» davlat dasturi asosida qurilish ishlari «Parvoz Xumo trans» MCHJ qurilish-pudrat korxonasi tomonidan amalga oshirildi.
Zarif Komilov, O‘zA