Nukusda sex yondi, sababi xavfsizlik qoidalariga amal qilinmaganligi, deyilmoqda
Nukus shahri “Kardar” korxonasining eshik ishlab-chiqarish sexida yong‘in kelib chiqdi. Ayni paytda yong‘in bartaraf qilingan.
Mas’ullarning xabar qilishicha, yong‘in sexning eshiklarni quritish xonasidan kelib chiqqan.
Yong‘inni bartaraf qilishga Nukus, Xo‘jayli, Taxiatosh, Xalqabaddan ekipajlar jalb qilingan.
Tan jarohati olganlar, jabrlanganlar yo‘q.
Yuzaga kelgan hodisa yuzasidan Favqulodda vaziyatlar boshqarmasi surishtiruv, tekshiruv ishlarini olib bormoqda. Hodisaga quritish sexida yong‘in xavfsizligi qoidalari buzilganligi sabab qilib ko‘rsatilmoqda.
Ye.Qanoatov, O‘zA