Xalqimiz eng ulug‘, eng aziz ayyom – Mustaqillik bayramini keng nishonlashga tayyorgarlik ko‘rayotgan shu kunlarda Nukusda 48 xonadondan iborat 4 qavatli uy foydalanishga topshirildi.

Xalqimiz eng ulug‘, eng aziz ayyom – Mustaqillik bayramini keng nishonlashga tayyorgarlik ko‘rayotgan shu kunlarda Nukusda 48 xonadondan iborat 4 qavatli uy foydalanishga topshirildi.

Prezidentimiz rahnamoligida aholi farovonligini yanada yuksaltirishga qaratilgan izchil ishlar samarasida barpo etilayotgan zamonaviy massivlar, yangi turar joylar yurtdoshlarimiz hayotini tubdan o‘zgartirib, ularda shukronalik va ertangi kunga ishonch tuyg‘usini mustahkamlamoqda.

Bosh pudratchi “Xorazmgazqurilishmontaj” sho‘ba korxonasi tomonidan barpo etilgan ushbu turar joy asosan “Urganchtransgaz” sho‘ba korxonasining mahalliy tarmoqlarida mehnat qilayotgan ishchi-xizmatchilar oilalariga berildi. 

“Urganchtransgaz” sho‘ba korxonasining Qo‘ng‘irot magistral gaz tarmoqlari boshqarmasi ishchisi Ulug‘bek Ismoilov va uning oilasi ham Mustaqillik bayramini uch xonali yangi uyda nishonlaydigan bo‘ldi.

– Uyni o‘n besh yil muddatga imtiyozli foiz bilan berilgan kredit hisobiga oldik, – deydi U.Ismoilov. – Bu yerda farovon va xotirjam yashash uchun barcha sharoit va qulayliklar muhayyo ekanidan juda xursandmiz. Keng va shinam xonalar, qulayliklar, ayniqsa, bolalar maydonchasidagi sharoitlar hammamizga ma’qul. Eng ulug‘, eng aziz bayram – Vatanimiz mustaqilligining 24-yilligini yangi uyda nishonlaymiz.