Нодирбек Абдусатторов Парижда "Esports World Cup-2026”да қатнашмоқда
Франция пойтахти Париж шаҳрида киберспорт турлари бўйича жамоалар ўртасида ўтказилаётган “Esports World Cup-2026” мусобақасининг шахмат йўналишидаги асосий баҳслар бошланмоқда.
Дунёнинг 16 нафар энг кучли шахматчиси қаторида ҳамюртимиз Нодирбек Абдусатторов ҳам ўзига хос мусобақада ғолиблик учун баҳс олиб бормоқда.
Мусобақаларга ташланган қуръа натижасига кўра, Нодирбек Абдусатторов, франциялик Алиреза Фирузжа, ҳиндистонлик Аржун Эригаиси, Пранав, Ниҳал Сарин, хитойлик Вей И, польшалик Жан-Криштоф Дуда, нидерландиялик Беньямин Бок “А” гуруҳида, норвегиялик Магнус Карлсен, эронлик Сина Моваҳед, америкалик Ҳанс Моке Ниеманн, Ҳикару Накамура, россиялик Андрей Есипенко, Ян Непомняший, сербиялик Алекей Сарана, беларуслик Денис Лазавик “Б” гуруҳида ғолиблик учун кураш олиб боради.
Ҳар бир гуруҳда кучли тўртликдан жой эгаллаган шахматчи, яъни 8 нафар иштирокчи гуруҳ ўйинлари орқали ҳал қилувчи плей-офф босқичига йўл олади.
Бугун, 12 август куни Нодирбек Абдусатторов гуруҳ босқичининг илк ўйинида ҳиндистонлик Пранав билан куч синашади.
“Esports World Cup-2026”нинг шахмат мусобақалари 15 августга қадар давом этади.
Т.Рўзиев, ЎзА
