Neto “Chelsi”ni tark etishni istamagan
26 yoshli futbolchiga “Manchester Siti”, “Liverpul”, “Manchester Yunayted” va “Tottenhem” kabi APLning yetakchi klublari qiziqish bildirgan.
“Chelsi” hujumchisi Pedro Neto yozgi transfer oynasida London klubidan ketish niyatida bo‘lmagan. Bu haqda TEAMtalk xabar bermoqda.
Manbaga ko‘ra, portugaliyalik futbolchi “Chelsi”ga sodiq qolishni istagan va yangi bosh murabbiy Xabi Alonsoga jamoaning asosiy futbolchilaridan biriga aylana olishini isbotlashni maqsad qilgan.
26 yoshli futbolchiga “Manchester Siti”, “Liverpul”, “Manchester Yunayted” va “Tottenhem” kabi APLning yetakchi klublari qiziqish bildirgan. Neto bu qiziqishlardan xabardor bo‘lganiga qaramay, transfer qilishni talab qilmagan.
Neto yangi mavsumda barcha musobaqalarda 3 ta uchrashuvda maydonga tushib, 1 ta gol urdi. Uning “Chelsi” bilan amaldagi shartnomasi 2031-yilgacha mo‘ljallangan. Transfermarkt futbolchini 60 million yevroga baholamoqda.
