Olot tumanidagi 1-nasos stansiyasi hududida qurilayotgan “Amu-Buxoro-1” va mukammal ta’mirlash ishlari bajarilayotgan “Amu-Buxoro-2” nasos stansiyalarida “Osiyo tiklanish va taraqqiyot banki” loyihasi asosida realizatsiya va modernizatsiya ishlari amalga oshirilmoqda.

Yangi nasos stansiya qurilishiga Xitoy Xalq Respublikasining “China National Technical Import and Exsport Corporation” kompaniyasi tomonidan “CNTIC” pudratchi tashkilot qurilish ishlariga jalb qilingan va ayni kunda ishchi-mutaxassislar ish olib bormoqda. Mazkur yangi nasos stansiyasi qurilishi umumiy qiymati 82 million 960 ming AQSH dollariga moliyalashtirilgan.  

Shu kunda “Amu-Buxoro-1” yangi nasos stansiyasida har birining quvvati 11,25 metr sekund bo‘lgan 8 dona yuqori unumli nasos agregatlari o‘rnatilmoqda. Bu sa’y-harakat natijasida nasos stansiyasining umumiy suv chiqarish hajmi 90 metr sekundga yetkaziladi hamda stansiya energiya tejamkor asbob-uskunalar bilan jihozlanadi.  

Zarif Komilov, O‘zA muxbiri.