Qarshi shahridagi “Markaziy” stadionida futbol bo‘yicha O‘zbekiston Superligasining 23-turidan o‘rin olgan "Nasaf" – "Xorazm" klublari o‘zaro raqobatlashdi.

Ushbu turni boshlab bergan mazkur o‘yinning 45-daqiqasida "Xorazm" futbolchisi Shahrom Samiyev hisobni ochdi. Oradan bir daqiqa o‘tib esa Sharof Muhiddinov gol urib, hisobni tenglashtirdi. Ikkinchi bo‘limning 80-daqiqasida Sherzod Nasrullayev "Nasaf" jamoasining ikkinchi goligi mualliflik qildi. Shu tariqa, o‘z maydonida 2:1 hisobida zafar quchgan "Nasaf" ochkolarini 52 taga yetkazib oldi va yetakchilikni mustahkamladi.

Bugun, 26 sentyabr kuni Superliganing 23-turi doirasida "Andijon" jamoasi "Bobur Arena" stadionida OKMK klubini qabul qiladi. Bellashuv 19:00da start olishi rejalashtirilgan. Darvoqe, uchrashuv mezboni ayni damda 22 ochko to‘plab, liga jadvalining 11-pog‘onasidan joy olgan bo‘lsa, OKMK 40 ochko bilan uchinchi o‘rinni band etgan.

Javohir Toshxo‘jayev, O‘zA