1865 yil iyun oyida Toshkentda Rossiya imperiyasi harbiy kuchlariga qarshi xalq jon olib, jon bergan. Bobo-momolarimizning bu kurashi mustamlakachi davlatga qarshi shijoatli va jasur qarshilik bo‘lgan. Turkistonning eng katta harbiy-siyosiy va iqtisodiy markazi bo‘lgan Toshkentni Rossiya imperiyasi 1864 yil 1 oktyabrdan hujum qilib, 1865 yil 29 iyungacha bo‘lgan davrda egallagan.

Mustamlaka davrida bu voqealar asosan bosqinchilar manfaati nuqtai nazaridan yoritilgan. Qonli muhoraba jarayonida toshkentliklarning yurtsevarligi, xalq qarshiligi yoritilmagan, aksincha, turli yasama nazariyalar orqali Rossiya siyosatini oqlashga urinilgan. Istiqlol yillarida ham bu muhim masala to‘liq va xolis ilmiy baho olmagani olimlarimiz tomonidan ko‘p bora ta’kidlangan.  

"Tarix haqiqatlari" loyihasining bu galgi soni aynan Toshkent bosqiniga bag‘ishlanadi. Biz uchun tarixiy manbalarda ma’lum va noma’lum bo‘lgan ma’lumotlar haqida batafsil tarix fanlari doktori, professor Muhayyo Isakova so‘zlab beradi.

<iframe width="560" height="315" src="https://www.youtube.com/embed/EF-KEvyeYiY?si=AXzS8wQNmgs8IYDJ" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Muhayyo Turdaliyeva, Nishonboy Abduvoitov, Anvarxo‘ja Ahmedov, O‘zA